|
SAILING
| |
E di 19 edicion di Aruba Heineken Catamaran Regatta y Campeonato di DART 18 ta cla pa cuminsa “competencianan lo tuma lugar ariba beach di Holiday Inn Sunspree di 21-27 di november” Eagle,---Desde diasabra 21 te cu diabierna 27 di November, e beach situa dilanti di Holiday Inn Sunspree Resort Aruba, lo ta completamente yena atrobe cu catamarannan colorido cu lo bai participa den e di 19 Aruba Heineken Catamaran Regatta. E aña aki e atracion principal lo bai ta e competencia internacional di DART 18 cu ta e botonan mas chikito y lo tuma lugar simultaneamente cu e caredanan di catamaran y sigur lo ta bai ta algo bunita pa presencia ariba laman. E aña aki e evento lo conta cu participacion di 15 catamaran y 40 DART 18 y nos por bisa cu esaki ta e evento di catamaran regatta mas grandi den Caribe. E ekiponan cu ta participa e anja aki ta procedente di: Alemania, Hulanda, Portugal, Inglatera, Francia, Belgica, Sur Africa, Austria, Suiza y Aruba. Tur dos evento ta wordo organisa pa Sr. Edwin Lodder cu experience amplio den organisa tpo di eventonan asina y ta sigur tur cos lo bai manera debe ser. E campeonato di DART 18 ta conta cu participacion di e ekipo campeonnan mundial Billy Besson y Thierry Wibaux di Frania kendenan ta priminti di hasi e competencia interesante. Den e competencia di catamaran ta conta cu participacion di Xander Pols cu ta finalista di e regatta mas grandi na Europa e Zwitserleven Ronde om Texel como tambe John Moret cu a yega di gana varios biaha e competencia na Aruba y ta den e Top 3 den e Zwiserleven Ronde om Texel. En total lo bai tin 12 careda pa despues saca e ganadornan di e regatta di e aña aki. EXPOSICION DI ARTISTANAN ARUBANO: E aña aki nos artista Arubiano Elvis Tromp hunto cu Eduardo Valbuena, Edmond Tujeehut lo tene un exposicion den e shopping arcade di Holiday Inn caminda lo expone un total di 20 cuadra di catamaran y otro paisajenan di Aruba. Durante e exposicion aki publico di Aruba y nos bisitantenan hospedando na Holiday Inn Sunpress Resort por admira y cumpra cuadranan profesional di 4 diferente artista Arubano. Ekiponan local: Den DART 18 Aruba ta conta cu 6 ekipo y 2 ekipo den e competencia di open klass di catamaran. E aña aki nos ekiponan local a prepara nan mes bon y ta practica casi tur week-end pa basta tempo caba y manera casi tur aña no por laga afor e famia conoci den e tipo di deporte aki cu ta famia Rob Grijpma, Rens, Sil, Francis y Freddy. Otronan cu lo competi lo ta Martijn van den Velden cu su jui muher Nicole y Patrick Melchoir cu su jui muher Lisanne, Orlando de Weever cu Briggitte Mehagnou, JP van Eerenbeemt cu Henk van Steenbergen y por ultimo e ekipo di Theo Valize cu tampoco no por keda afor. Competencia dilanti Holiday Inn Aruba Sunspree: Durante henter e siman desde diasabra 21 di November lo bai tin mas o menos diezdos careda. E diezdos caredanan ta inclui distancia cortico y largo y lo tuma lugar na e banda west di Aruba na unda e biento di nor- este ta domina. Competencia di distancia cortico lo tuma lugar na e beach dilanti di Holiday Inn Sunspree mes pa asina tur e espectadornan por presencia esaki. E competencia di distancia largo ariba diaranzon 25 di november lo bai te Barcadera, pasando via lagoen y despues bini bek na e waf. Cu biento dominante di 4 a 5 nudo y cu e laman trankil dilanti di Holiday Inn Sunpree ta haci cu e localidad aki ta esun mas ideal pa participantenan di tur nivel. Aruba ta un di e localidad nan mas bunita na mundo pa por organisa e tipo di eventonan aki. Competencianan lo cuminsa diaramente pa 10 or y mei di mainta. Merdia, dos careda sigui un tras di otro y e prome lo cuminsa rond di 2’or di atardi. Tur anochi lo tin entregamento di premio na e ganadornan. Diamars 24 di November lo ta e dia di descanso pa e participantenan pa asina nan probecha di e oportunidad di disfruta di e fabuloso actividadnan cu Aruba tin pa ofrece. Durante e competencianan pa esnan di e grupo di regatta cu no ta participa lo tin un boto disponibel cu cooperacion di Sea World Explorer pa por tin un bista mas di serca ariba e participantenan. . VIP-SAILING: Diadomingo 22 di November saliendo pa 2 or di atardi lo bai tin e VIP sailing na unda cu e sponsernan hunto cu prensa lo bai tin e oportunidad di mira e competencia di serca desde e catamaran grandi di Pelican. Despues di e paseo aki di 4-9 p.m. na Moomba Beach Heineken Beer lo bai tin un actividad cu presentacion di diferente bandanan local manera: Roots & Rhythim, Acoustic Soul, DJ Jason y DJ Kenny y durante e actividad aki Heineken lo bai ta na un prijs special di Awg. 5,= pa un. Party Time! Tur atardi pa 5:30 p.m. despues di e competencia e participantenan lo disfruta di un “heerlijk helder” Heineken pa asina por celebra nan clasificacion cu cooperacion di Heineken Aruba N.V. lo tin un “happy hour”. Tambe riba Diadomingo 22 di November lo bai tin un fabuloso beach party na Moomba Beach cu cooperacion di Heineken Aruba N.V y Moomba Beach. Lo bai tey presente un banda y DJ pa trece ambiente pa cu e fiesta di cual ta wordo ofreci no solo na honor di e participantenan pero tambe pa publico local y turista. Pa e resto di anochinan e “happy hour” lo wordo teni ariba beach dilanti Holiday Inn. Regatta online: E di 19 Aruba Heineken Catamaran Regatta por ser aprecia via e website www.arubaregatta.com. Pa miho cobertura despues durante e temporada di e actividad entre 21 te cu 27 di November, lo bai tin un crew specialmente di TV cu ta cubri esaki. E informacion valioso aki y tambe imagennan lo bai ta disponibel riba internet y lo wordo usa pa transmicionnan di television y pa un DVD. Aña pasa tabatatin mas o menos 90.000 video cu durante e siman di regatta a wordo baha via internet. Cobertura diario: Sra . Diana Bogaard lo duna diaramente e noticianan y potretnan referente na e competencia, tanto pa local como pa esan international tambe. Tur dia e comunicadonan di dia lo wordo traduci cu cooperation di ATA, na Papiamento y Spaño. SMV Audiovisuals lo cubri diariamente e parti di internet. Tur esakinan ta promocion extra pa Aruba. Organisacion: Aruba Heineken Catamaran Regatta y WK DART 18 ta wordo organisa pa Sr. Edwin Lodder kende cu e companianan Sailing Mangemen International y Discover NV ta full-time bezig trahando pa organisacion di un cantidad grandi di evenemento di botonan di bela. Anualmente e ta organisa e evento mundial di catamaran mas grandi De Zwitserleven Ronde om Texel ( cu casi 600 catamaran participando), e Delta Lloyd North Sea Regatta, Deltaweek, Delta Lloyd 24 Uurs Zeilrace cu di veleronan ( cu casi 700 participantenan) y tambe un cantidad grandi di otro evento. E organisashon di Aruba Heineken Catamaran Regatta ta posibel door di cooperacion di Aruba Tourism Autority ( ATA) y otro sponsornan local y internacional. Patrocinadornan: E evento aki ta wordo haci posibel door di e apoyo y confiansa di hopi patrosinadornan grandi. Aruba Tourism Authority (ATA) y Heineken Aruba ta e sponsornan principal. Otro companianan cu ta apoya y contribui cu e evento ta: Martinair, GILS Worlwide, SEATR NV, Holiday Inn, Does & Cadushi, Tropical Bottling Company, Coca Cola, AWA Aruba Aloe, VR Shipping, Aruba Watersports, De Palm Tours, Pelican Watersports, Sea World Exployer, Moomba Beach, Zwitserleven, TNG, Patria y AMI Kappers. E organisacion ta contento pa cu e contribucion cu nan ta hanja pa e evento aki ### Pa mas information por tuma contacto cu e siguiente personanan : Edwin Lodder, organisador Cellular (Aruba): 561-9968 E-mail: edwin.lodder@wxs.nl
Website: www.arubaregatta.com
Aruba Tourism Authority ( ATA) Sra. Amayra Boekhoudt Tel.: 582-3777 / Cel. 660-4272 E-mail: a.boekhoudt@aruba.com
Website:www.aruba.com | |
[A]
[B]
[C]
[CH]
[D]
[E]
[F]
[G]
[H]
[I]
[J]
[K]
[L]
[LL]
[M]
[N]
[O]
[P]
[Q]
[R]
[S]
[T]
[U]
[V]
[W]
[X]
[Y]
[Z]
